Sunnudaginn 18. október kl. 17 verður sannkölluð sönggleði í Keflavíkurkirkju þegar þrír glæsilegir kórar barna og ungmenna koma saman og gleðja okkur með fallegum söng. Regnbogaraddir, barnakór Keflavíkurkirkju, og Himinn & Jörð, ungmennakór Keflavíkurkirkju, syngja undir stjórn Freydísar Kneifar Kolbeinsdóttur og meðleik Arnórs Vilbergssonar organista. Skólakór Sandgerðisskóla syngur undir stjórn Sigurbjargar Hjálmarsdóttur og Elsu Mörtu aðstoðar kórstjóra. Það er fátt sem yljar hjartanu meira en söngur barna og ungmenna og við hlökkum til að eiga með ykkur fallega tónlistarstund þar sem ungar raddir fá að njóta sín í dásamlegum hljómburði kirkjunnar. Verið hjartanlega velkomin í Keflavíkurkirkju og njótið með okkur [...]

Sunnudaginn 18. október kl. 11 er bleik messa í Keflavíkurkirkju. Í messunni hefst söfnun fyrir brjóstaskimunartæki sem verður staðsett á Suðurnesjum. Að messunni koma Rótarýklúbbur Keflavíkur, Krabbameinsfélag Suðurnesja, Heilbrigðisstofnun Suðurnesja og Samtök atvinnurekenda á Reykjanesi. Sr. Erla þjónar ásamt Unni messuþjóni og Rut, Helga, Grybos og Jón Ingi sjá um sunnudagaskólann. Kór Keflavíkurkirkju leiðir söng við meðleik og stjórn Arnórs organista. Að messu lokinni verður boðið upp á súpu frá Skólamat, brauð frá Sigurjóni bakara og bleikt sætabrauð. Verið hjartanlega velkomin til samveru og samstöðu!